सरकार बरखास्त करा ,राज्यात निवडणुका घ्या ;भाजपची मागणी

मुंबई – आघाडी सरकारची सत्ता बरखास्त करून राज्यात त्वरीत निवडणुका घेण्यात याव्यात अशी आग्रही मागणी भाजपने केली आहे.
भाजपचे प्रदेशाध्यक्ष देवेंद्र फडणवीस यांनी ही मागणी केली असून राष्ट्रवादीवरही त्यांनी टीका केली आहे. फडणवीस यांनी पत्रकार परिषदेत म्हटले आहे कि ,जनतेने राज्यातील आघाडी सरकारला पूर्णपणे नाकारले आहे. या नामुष्कीची नैतिक जबाबदारी दाखवत मुख्यमंत्री पृथ्वीराज चव्हाण यांनी संपूर्ण मंत्रीमंडळाने राजीनामा द्यावा.