न्यूयॉर्क – यंदाच्या पुलित्झर पुरस्काराने भारतीय वंशाचे विजय शेषाद्री यांना सन्मानित करण्यात आले आहे. बंगळुरूत जन्मलेल्या विजय यांना ‘थ्री सेक्शन’ या कविता संग्रहासाठी गौरविण्यात आले आहे. द गार्डियन आणि वॉशिंग्टन पोस्टला पब्लिक सर्व्हिस श्रेणीतील पुरस्कार संयुक्तरित्या देण्यात आला आहे. ब्रेकिंग न्यूज रिपोर्टिंगसाठी बोस्टन ग्लोबच्या स्टाफची निवड झाली आहे. इन्व्हेस्टिगेटिंग रिपोर्टिंगसाठी सेंटर फॉर पब्लिक इंटीग्रिटीच्या क्रिस हॅम्बी यांचा सन्मान झाला आहे. यंदा फिचर रायटिंगमध्ये कोणालाही पुरस्कार नाही.याआधी चार भारतवंशींना पुरस्कार : यापूर्वी भारतीय वंशाच्या चार प्रमुख लोकांना पुलित्झर पुरस्कार मिळाला आहे. यात गोविंद बिहारी लाल यांना पत्रकारितेसाठी 1937 मध्ये सन्मानित करण्यात आले.