भाजपचे पंतप्रधानपदाचे उमेदवार व गुजराथचे मुख्यमंत्री नरेंद्र मोदी याच्यावर बनत असलेल्या चित्रपटात तरूण मोदींच्या भूमिकेसाठी विवेक ओबेरायला विचारण्यात आले असल्याचे खात्रीलायक वृत्त आहे. मोदींची प्रमुख भूमिका गुणी अभिनेता परेश रावल साकारणार आहे.या चित्रपटाची निर्मिती अमेरिका स्थित मितेश पटेल हे करत आहेत.

याविषयी माहिती देताना पटेल म्हणाले की मोदींच्या तरूणपणातील भूमिका कुणाला द्यावी याचा विचार करताना विवेकचे नांव नजरेसमोर आले. विवेक नेहमीच वेगळ्या भूमिका स्वीकारणे पसंत करतो. मोदींची भूमिका त्याच्या करियरला नवीन परिमाण मिळवून देईल असा विश्वास वाटतो. कृष तीन मध्ये त्याने खलनायकाची भूमिका साकारली आहे.