श्रीनगर – पाकिस्तानने पुन्हा एकदा शस्त्रसंधीचे उल्लंघन केले आहे. श्रीनगरच्या उरीमध्ये पाक सैन्याने केलेल्या गोळीबारात एक भारतीय जवान शहीद झाला आहे. उरीच्या कमान पोस्टवर हा गोळीबार करण्यात आला आहे. गेल्या 15 दिवसांपासून पाककडून शस्त्रसंधीचं सातत्याने उल्लंघन होत आहे. पाककडून बीएसएफच्या चौकींवर गोळीबार होत आहे.
या पार्श्वभूमीवर बीएसएफ आणि पाक रेंजर्समध्ये फ्लॅग मीटिंग होण्याची शक्यता वर्तवली जात आहे. बीएसएफच्या एका वरिष्ठ अधिकार्‍याने सांगितले की, आंतरराष्ट्रीय सीमेजवळ एलओसीवरील संघर्ष मिटवण्यासाठी फ्लॅग मीटिंग घेण्याची आम्ही पूर्ण तयारी करतोय. वारंवार होत असलेल्या शस्त्रसंधीच्या उल्लंघनाबाबत एकतर कारवाई करा किंवा चर्चा करुन हे संपवा, याबाबतचा दबाव जम्मू-काश्मिर सरकारकडून केंद्रावर टाकण्यात येत होता.
मुख्यमंत्री ओमर अब्दुल्ला, उपमुख्यमंत्री ताराचंद आणि मंत्री शामलाल शर्मा यांनी शुक्रवारी जवानांच्या चौकीची पाहणी केली आणि सीमेजवळ राहणार्‍या नागरिकांना विश्वास दर्शवला.