नवी दिल्ली – कोळसा घोटाळ्याप्रकरणी सीबीआय चौकशीला सामोरं जाण्याची तयारी पंतप्रधान मनमोहनसिंग यांनी दाखवली आहे. चीनच्या तीन दिवसीय दौर्‍यावरून परतत असताना पंतप्रधान विमानात पत्रकारांशी बोलत होते. कायद्यापेक्षा कुणीही वर नाही, तो नियम मलाही लागू होतो, असं पंतप्रधान म्हणालेत. विशेष म्हणजे कोळसा घोटाळ्याप्रकरणी पंतप्रधानांना आरोपी नंबर वन करावं, अशी मागणी माजी कोळसा सचिवांनी गेल्याच आठवड्यात केली होती. तसेच राज्यसभेतले विरोधी पक्ष नेते अरूण जेटली यांनीही, मनमोहनसिंगांची सीबीआय चौकशी व्हायला हवी, अशी मागणी केली होती.