पुणे – अंधश्रद्धा निर्मूलन समितीचे अध्यक्ष डॉ. नरेंद्र दाभोळकर यांच्या हत्येप्रकरणात एका संशयिताला शिर्डीत पकडण्यात आल्याचे पुणे पोलिसांकडून सांगण्यात आले आहे. पुणे पोलिसांनी दाभोळकर यांची हत्या झाल्यानंतर दोन संशयितांची जी रेखाचित्रे प्रसिद्ध केली होती त्यातील दुसर्‍या रेखाचित्राशी साम्य असणार्या् एका इसमाला शिर्डीतील साईबाबा मंदिराजवळील गेटवर शिर्डी वाहतूक पोलिस निरीक्षक अरविद भोळे यांनी पकडले.

हा संशयित कर्नाटकातला असून त्याचे नांव आसिफ असल्याचे समजते. तो कर्नाटकातील फिरदासनगर येथील रहिवासी आहे. भोळे यांनी या संशयिताला नगर जिल्हा पोलिस अधिक्षक शिदे यांच्या ताब्यात दिले व त्यानंतर त्याला पुणे पोलिसांच्या ताब्यात देण्यात आले असे समजते. दरम्यान या हत्येप्रकरणात नगर पोलिसांनी श्रीरामपूर येथूनही आणखी एका व्यक्तीला ताब्यात घेतले असल्याचेही समजते.