नवी दिल्ली – काँगेस अध्यक्षा सोनिया गांधी मेडिकल चेकअपसाठी अमेरिकेला जाणार असल्याची माहिती काँग्रेस पक्षाच्या एका वरिष्ठ नेत्याने दिली आहे. मात्र सोनिया गांधींच्या आजाराबाबत तेसच त्यांना काय त्रास होत आहे; याबाबत अधिक माहिती देण्यास या नेत्याने नकार दिला आहे. सोनिया गांधी उद्या अमेरिकेसाठी रवाना होण्याची शक्यता आहे.
सन 2011 मध्ये सोनिया गांधी यांच्यावर अमेरिकेतील एका रुग्णालयात शास्त्रक्रीया झाली. फॉलॉअप चेकअपसाठी त्या यापूर्वी फेब्रुवारी महिन्यात अमेरिकेला जाऊन आल्या आहेत. यानंतर आता त्या परत चेकअपसाठी अमेरिकेला जाणार आहेत.
दरम्यान 26 ऑगस्ट रोजी लोकसभेत अन्न सुरक्षा विधेयकावर चर्चा सुरु असताना सोनिया गांधींना अस्वस्थ वाटल्याने त्यांना दिल्लीतील एम्स रुग्णालयात दाखल करण्यात आले होते. उपचार झाल्यावर त्यांना 5 तासानंतर रुग्णालयातून घरी सोडण्यात आले. यावेळी सोनिया यांना सर्दी आणि डोकेदुखीचा त्रास होत होता.
