कॅलिफोर्निया – ६ ऑगस्ट २०१२ रोजी नासाने मंगळावर सोडलेल्या क्युरिऑसिटी रोव्हर यानाचा पहिला वाढदिवस आज अमेरिकेत साजरा केला जात आहे. कारच्या आकाराचे हे यान यशस्वीपणे मंगळावर उतरलेच पण त्याच्यावर सोपविण्यात आलेले कामही ते चोख पार पाडते आहे. या यानाकडून मिळालेली माहिती, मातीचे नमुने, प्रतिमा अतिशय महत्त्वाच्या आहेत. यामुळे भविष्यात मंगळावर मानव पाठविण्याच्या कार्यक्रमात मोठीच मदत मिळणार आहे असे नासाचे प्रशासक चार्लस बोल्डेन यांनी सांगितले. ते म्हणाले सध्या मंगळाच्या भूमीवर चाकांच्या खुणा उमटत आहेत पण लवकरच तेथे मानवी पाऊलेही आपला ठसा उमटवतील.