मुंबई – दोन वर्षांपेक्षा अधिक शिक्षेची तरतूद असलेल्या गुन्ह्यांतील आरोपींना निवडणूकीची उमेदवारी दिली जाऊ नये अशा सूचना सर्वाच्च न्यायालयाने नुकत्याच दिल्या आहेत. त्या पार्श्वभूमीवर नॅशनल इलेक्शन वॉच तर्फे करण्यात आलेल्या सर्वेक्षणाची आकडेवारी नुकतीच जाहीर करण्यात आली आहे. २००४ ते २०१३ या कालावधीतील हे सर्वेक्षण असून त्यानुसार सर्वाधिक गुन्हेगारी खटले दाखल असलेल्या लोकप्रतिनिधीत शिवसेना आघाडीवर आहे. शिवसेनेच्या आमदार व खासदारांची संख्या १३७ आहे व त्यातील १०३ जणांवर असे गुन्हे दाखल आहेत. म्हणजे हे प्रमाण ७५ टक्के इतके आहे.