पाटणा – नोबेल पुरस्कार विजेते अमर्त्य सेन यांचा भारतरत्न पुरस्कार काढून घेण्याची भाजप खासदार चंदन मित्रा यांच्या मागणीवर जदयू नेते आणि बिहारचे मुख्यमंत्री नितीश कुमार यांनी कठोर शब्दात टीका केली आहे. चंदन मित्रा यांची मागणी हे भाजपचे असहिष्णूतेचे लक्षण आहे. भाजपचे नवे नेतृत्व लोकशाही विरोधी विचारांना प्रोत्साहन देत आहे अशा शब्दात नितीश यांनी मोदींचे नाव न घेता टीका केली. जर तुम्ही आमच्याशी सहमत नसाल तर, आम्ही तुम्हाला सहन करणार नाही. नव्या नेतृत्वाची विचार करण्याची ही नवी पध्दत आहे अशा बोच-या शब्दात नितीश कुमार यांनी टीका केली.