बिकानेर – जर आपल्याकडे वनावट नोट सापडली तर आपल्याला शिक्षा होणार,गुन्हा दाखल होणार किंवा आपली पत ढासळणार, अशा अनेक शंका मनात येऊन जातहोत्या. मात्र आता तुमच्याकडे बनावट नोट सापडली तरीही काळजी नको. कारण बनावट नोटांच्या बदल्यात तुम्हाला मिळणार खर्‍या नोटा. बनावट नोटांविरोधात सरकारचा नवा प्रयत्न चालू आहे. तुमच्याकडे जर खोटी नोट आली तर घाबरून जाण्याचे काही कारण नाही कारण आता बँका खर्‍या नोटा देणार आहेत.
नोट बनावट असेल तरी आता काळजी नको?
रिझर्व्ह बँकेने ही घोषणा आधीच केली होती, त्याची अंमलबजावणी 1 जुलैपासून करण्यात आली आहे. बँकांना यासंबधीचे अहवाल आरबीआयला ऑगस्ट 2013 पासून द्यावा लागेल. जर 100 अथवा अधिक बनावट नोटांना ओळखून याची सूचना बँकांनी आरबीआय आणि पोलिसांना दिली तर बनावट नोटांमुळे होणार्‍या नुकसानीची 25 टक्के भरपाई आरबीआय करणार आहे.
बनावट नोटांमुळे सामान्य लोकांचे नुकसान होऊ नये, यासाठी हे पाऊल उचलण्यात आले आहे. त्याबाबत अधिसूचना जारी करण्यात आली आहे. एकाद्या बँकेने बनावट नोट ओळखण्यास किंवा टाळाटाळ केली तर याप्रकणी बँकेला जबाबदार धरण्यात येईल. त्यामुळे बँक आपली जबादारी झटकणार नाही. आपल्या कामात कसूर केल्यास बँकेला दंड ठोठावण्यात येईल, असे सांगण्यात आले आहे.
असे असले तरीही बनावट नोटा कोठून येतात, याचा तपास तर करावाच लागणार आहे. त्याचबरोबर बनावट नोटांची छपाई कोण करत आहे, याची चौकशी केल्यानंतर
त्याला कोणती शिक्षा होणार हे आगामी काळात ठरेल.