एक्स रे रेडिएशनने ओबामांना ठार करण्याचा प्लॅन उधळला

वॉशिग्टन दि.२१ – अतिधोकादायक अशा एक्स रे रेडिएशनच्या सहाय्याने राष्ट्राध्यक्ष बराक ओबामा यांच्या हत्येचा रचण्यात आलेला कट एफबीआयने उधळून लावला असल्याचे समजते. या संदर्भात कट रचणार्‍या ग्लेडन स्कॉट क्रॉफर्ड आणि एरिक जे फाईट यांना अटक करण्यात आली आहे.

क्रॉफफर्ड आणि एरिक यांनी हे एक्सरे हत्यार तयार केले आहे. मोठ्या प्रमाणावर हत्याकांड घडवून आणण्यासाठीही ते वापरता येऊ शकते आणि रिमोटच्या सहाय्याने ते ऑपरेट करता येते. यात एक्सरे रेडिएशन मोठ्या प्रमाणावर उर्त्सजित केले जाते परिणामी रेडिएशनमुळे माणसे मरू शकतात. बोस्टन हल्ल्याला ओबामाच जबाबदार आहेत आणि त्यांनी मुस्लीमांना अमेरिकेत कोणत्याही चवकशीशिवाय प्रवेश देण्याच्या पॉलिसीमुळेच बोन्सनची घटना घडली असल्याचा या दोघांचा आरोप आहे.

क्रॉफर्ड कू क्ल्यू क्लानचा सदस्य असून त्याने या संहारक अस्त्राचे नाव हिरोशिमा ऑन लाईट स्वीच असे ठेवले आहे. गेल्या उन्हाळ्यातच  क्रॉफर्ड याने एका सिनेगॉगमध्ये बेकायदा प्रवेश करून इस्त्रायलींना झोपेतच ठार करण्याचे हे तंत्रज्ञान हस्तगत केले होते क्रॉफर्ड आणि एरिक  जनरल इलेक्ट्रीक्स कंपनीच्या आवारात या अस्त्राची जोडणी करण्यासाठी एकत्र आले तेव्हाच त्यांच्या पाळतीवर असलेल्या एफबीआयने त्यांना अटक केली असे सांगितले गेले.