भारतीय सिनेसृष्टीला १०० वर्ष पूर्ण झाल्याचे एक अनोखे औचित्य साधून
अभिनेत्री क्रांती रेडकरने आता दिग्दर्शनात आपले पाऊल ठेवले आहे. “सून
असावी अशी” या आपल्या पहिल्या -वहिल्या फिल्मने क्रांती रेडकरने
सिनेसृष्टीतील अभिनय क्षेत्रात प्रवेश केला. त्यानंतर शहाणपण देगा देवा ,
ऑन ड्युटी २४ तास, जत्रा, फक्त लढ म्हणा, तीन बायका फजिती ऐका, नो एट्री
पुढे धोका आहे, पिपाणी यासारख्या एकापेक्षा एक सरस सिनेमांमधून क्रांतीने
आपल्या अभिनयाची मोहोर उमटवली. “कोंबडी पळाली” या तिच्या दिलखेचक
नृत्यावर तर तिने तमाम रसिकांना आपल्या तालावर ठेका धरायला लावला.