लंडन, दि. 22 – हिग्जबोसॉन या गॉड पार्टिकलचे नाव बदलण्याचा विचार सुरु झाला असून गॉड पार्टिकलच्या संशोधनातील सर्व अग्रेसर संशोधकांमध्ये याबाबत एकमत होताना दिसत आहे. मात्र, हे नाव का बदलायचे याचे कोणतेही कारण संबंधितांना देता आलेले नाही, हे विशेष.
वास्तविक या संशोधनात संशोधक पीटर हिग्ज यांचा मोठा वाटा आहे. हिग्ज व बोस यांच्या संयोगातून हिग्जबोसॉन हा शब्द तयार झाला आहे. बंगाली भौतिकशास्त्रज्ञ सत्येंद्रनाथ बोस यांनी 1920 च्या दरम्यान अणुच्या क्षेत्रातील मूलभूत संशोधनात दिलेल्या योगदानामुळे त्यांचे नाव त्यात समाविष्ट करण्यात आले आहे. त्यामुळे गॉड पार्टीकलला त्यांचे नाव देण्यात आले होते. आता नवे नाव कोणते द्यावे त्याबाबतही विचारविनिमय सुरु आहे.