नवी दिल्ली दि.१२ – जपानी मोटर उत्पादक कंपनी होंडा मोटर्सने त्यांची पहिली डिझेल कार भारतीय बाजारात सादर केली असून तिची किमत सहा लाख ते ७ लाख ६० हजार रूपयांच्या दरम्यान आहे. अमेझ असे नामकरण करण्यात आलेली ही कार सेदान श्रेणीतील आहे. होंडाने सादर केलेली ही पहिलीच डिझेल कार असली तरी भारतीय ग्राहकांच्या आवडीनिवडी लक्षात घेऊन ती खास भारतीय बाजारपेठेसाठी बनविली गेली असल्याचे कंपनीने घोषित केले आहे.