प्यॉगाँग दि.२९- अमेरिकेची स्टील्ट बाँबर विमाने दक्षिण कोरियाकडे झेपावल्यानंतर उत्तर कोरियाचे नेते किम जाँग उन यांनी महत्त्वाच्या लष्करी अधिकार्‍यांसोबत आज सकाळी तातडीची बैठक घेतली असल्याचे समजते. या बैठकीत झालेल्या विचार विनिमयानुसार पॅसिफिक आणि दक्षिण कोरियावर हल्ले करण्यासाठी उत्तर कोरियाने त्यांची रॉकेटस सज्ज केली असून तसे आदेश किम जाँग उन यांनी जारी केले आहेत. अमेरिकेचा हिशेब चुकता करण्याची वेळ आता आली आहे असे वक्तव्य किम यांनी केल्यामुळे वॉशिग्टन आणि प्यॉगाँगमधील तणाव अधिक वाढला आहे.