दक्षिण चीनमध्ये एक महाप्रचंड आकाराची नाविन्यपूर्ण इमारत उभारणीचे काम आता अंतिम टप्प्यात आले असून आपला पूर्वीचा मध्ये भोक असलेला ढब्बू पैसा होता त्याच आकारात ही इमारत आहे. चीनी वास्तशास्त्र फेंगशुई प्रमाणे भरभराट, पैसा, प्रसिद्धी आणि लक या गोष्टींचा लाभ व्हावा या उद्देशाने या विशिष्ठ आकारात ही इमारत बांधली गेली आहे. या शास्त्राप्रमाणे पाणी पैसा आणतो तसेच मध्ये भोक असलेले ब्राँझचे नाणे, ओल्ड जेड, वॉटरव्हिल गुड फॉर्च्युन आणतात. त्यानुसार पर्ल नदीकाठी उभारलेली ही इमारत ब्राँझच्या नाण्याच्या आकारात बांधली गेली आहे. ३३ मजले असलेल्या या इमारतीची उंची आहे ४५३ फूट आणि त्यासाठी खर्च आला आहे १ अब्ज युआन.
इटालियन वास्तूरचनाकार जोसेफ द पास्क्वेल याने या इमारतीचा आराखडा तयार केला आहे. या इमारतीला मधोमध १५४ फूट व्यासाचे भोक ठेवण्यात आले आहे. न्यू गुंग्डाँग प्लॅस्टीक एक्स्चेंज कंपनीही ही इमारत आहे. व्यवसायात भरभराट, प्रसिद्धी, आणि चांगला पैसा या इमारतीमुळे मिळू शकेल असे त्यांचे म्हणणे असले तरी स्थानिक लेाकांनी मात्र असली इमारत उभारून कंपनी चालकांनी आपली पैशाची हावच दाखवून दिली आहे अशी प्रतिक्रीया नेांदविली असल्याचेही समजते.