ब्लॅकबेरीने दीर्घ काळच्या प्रतीक्षेनंतर नवीन ब्लॅकबेरी १० ऑपरेटिंग सिस्टीमसह झेड १० व क्यू १० हे दोन नवे स्मार्टफोन बाजारात आणले आहेत. कंपनीचे सीइ्रओ थॉस्टन हेन्स यांनी दिलेल्या माहितीनुसार कंपनीने त्यांचे जुने आरआयएम नाव आता बाद केले असून जगभरात सर्वत्र आता ब्लॅकबेरी याच नावाने त्यांची उत्पादने ओळखली जाणार आहेत. ब्लॅकबेरी याच ब्रँड नेमने ही उत्पादने विकली जातील. त्याचबरोबर कंपनीने ट्रेडिग लोगोही बदलला असून स्टॉक एक्स्चेंजवर तो बीबीआरवाय असा ओळखला जाईल.

ब्लॅकबेरी झेड १० मध्ये ४.२ इंचाचा फूलटच स्क्रीन, ड्युएल कोअर प्रोसेसर, १६ जीबी मेमरी आणि ८ मेगापिक्सल कॅमेरा देण्यात आला असून याची मेमरी मायक्रो एसडी कार्डने ३२ जीबी पर्यंत वाढविण्याची सुविधाही दिली गेली आहे. यूकेत आज हा स्मार्टफोन दाखल होत असून कॅनडात तो ५ फेब्रुवारीला तर अमेरिकेत मार्चमध्ये उपलब्ध होणार आहे. किंमत असेल साधारणपणे १५० डॉलर्स.

क्यू १० चा स्क्रीन ३.१ इंचाचा असून त्याची मेमरी १६ जीबी आहे. या स्मार्टफोनची रिलीज डेट जाहीर केली गेलेली नाही.