‘बर्फी’ या सिनेमामुळे चर्चेत असलेला चॉकलेट बॉय रणबीर कपूर सध्या लग्नाचा विचार करीत आहे. त्यासाठी गेल्या काही दिवसापासून तो सुयोग्य अशा मुलीच्या शोधात असल्याचे समजते. येत्या काळात लवकरच लग्न करणार असल्याची कबुली ‘बर्फी’ बॉय रणबीरने नुकतीच एका एफ.एम. रेडीओ स्टेशनला दिलेल्या मुलाखती प्रसंगी त्याने दिली. लाईफमध्ये प्रत्येक गोष्टीसाठी वेळ ठरलेला असतो, त्यावेळेनुसारचा सर्व काही आयुष्यात घडले पाहिजे. त्यामुळे सध्या लग्नासाठी हीच वेळ योग्य असल्याचे त्याने यावेळी सांगितले.

‘बर्फी’ हा सिनेमा हिट ठरल्यामुळे सध्या रणबीर जाम खुश झाला आहे. तो म्हणाला. ‘ मी सतत विचार करीत असतो की, जीवनात खरे प्रेम कधी मिळणार. त्यामुळे मी सध्या लग्नासाठी अशा मुलीचा शोध घेत आहे की, मला तिच्याकडून आयुष्यभर खूप प्रेम मिळेल.’

आघाडीच्या हिरोइन सोबत असलेल्या अफेयरमुळे चर्चेत असलेल्या रणबीरने कोणती मुलगी पसंत केली आहे याची कल्पना मात्र अद्याप कुणालाच नाही. ‘अजब प्रेम की गाजब काहणी’, ‘राजनीती’, ‘रॉकस्टार’ आणि ‘बर्फी’ यामधील रोलमुळे सध्या तो सुपरस्टार झाला आहे.