नवी दिल्ली: आरामदायी तरीही मजबूत अशा स्पोर्ट्स कारच्या शौकिनांसाठी एक खूषखबर आहे. वैशिष्ट्यपूर्ण बांधणी, अजोड शक्ती आणि आलिशान डिझाईन यासाठी जगभरात विख्यात असलेल्या कॉन्क्वेस्ट व्हेईकल्सची ‘इव्हेड’ ही आलीशान गाडी या वर्षाखेरीस भारतीय बाजारपेठेत दाखल होत आहे. तिची किंमतही तिच्या रुबाबासाराखीच भारदस्त आहे; साडेआठ कोटी रुपये फक्त! इव्हेड ही भारतात सध्या उपलब्ध असलेल्या गाड्यांपैकी सर्वात महाग गाडी असणार आहे.
भारतीय बाजारपेठेत डीझेल आणि पेट्रोल या दोन्ही मोडेल्समध्ये ही गाडी उपलब्ध होणार आहे. या गाडीत सहा प्रवासी प्रवास करू शकतील. फ्लेत स्क्रीन दूरचित्रवाणी संच, तीन सन रूफ्स याबरोबरच जॉय स्टिक वर हाताळता येणारे टबवरील सर्च लाईट आणि अंधारातही चालकाची दृश्यमानता कायम ठेवणारा नाईट व्हिजन केमेरा या अनोख्या सुविधा या गाडीत असणार आहेत.