वॉशिंग्टन दि.११ – आजकाल ऑनलाइन खरेदीचे प्रस्थ फारच वाढत चालले आहे. तरुणाईला ही खरेदी सोयीची होतेही. मात्र नेहमीच्या दुकानात जाऊन खरेदी केलेल्या वस्तू ऐवजी दुसरीच वस्तू घरी आणण्यात भारतीयांचा हातखंडा आहे असा कोणाचा समाज असेल तर तो खरा नाही. अगदी ऑनलाइन खरेदी केल्यावरही आधुनिक, सुधारणावादी अमेरिकेतही असे प्रकार घडतात. उदाहरण द्यायचे तर राजधानी वॉशिंग्टनमध्ये राहणार्या सेथ होरवित्झ याचा अनुभव वाचा. ऑनलाईन खरेदीसाठी जगभरात प्रसिद्ध असलेल्या ऍमेझॉन डॉट कॉम या साईटवरुन सेथ यांनी एक दूरचित्रवाणी संच मागवला होता. या साईटकडून टीव्हीचे खोके मिळालेही, परंतु त्यामध्ये संचाऐवजी उच्च क्षमतेची निमस्वयंचलित रायफल मिळाल्याने होरवित्झ यांना आश्चर्याचा धक्काच बसला !