लंडन, दि. १० – अमेरिकेच्या महिला संघाने ऑलिम्पिक क्रीडा स्पर्धेच्या फुटबॉल स्पर्धेत आपला दबदबा कायम ठेवताना लंडन ऑलिम्पिक स्पर्धेचे सुवर्ण पदक आपल्या नावे केले. अंतिम लढतीत अमेरिकेने जपानला २-१ ने मात देऊन तिसर्यांदा सुवर्ण पदकावर कब्जा जमवला. अमेरिकेकडून दोन्ही गोल मिडफील्डर कार्ली लॉयडने केले तसेच जपानकडून एकमात्र गोल यूकी ओगिमीने सामन्याच्या ६३व्या मिनिटात केला.
लॉयडने पहिला गोल आठव्या मिनीटात केला होता. यानंतर पहिल्या हाफमध्ये कोणताही गोल झाला. दुसर्या हाफमध्ये लॉयडने ५४व्या मिनीटात गोल करून आपल्या संघाला २-० ने आघाडीवर आणले. या सामन्यासाठी ८०,००० तिकीट विकले.
हा सामना वेम्बले स्टेडियममध्ये खेळण्यात आला. सिडनी ऑलिम्पिक (२०००) ला सोडून अमेरिकेने १९९६ पासून सर्व अंतिम लढतीतवर कब्जा केला आहे. सिडनी ऑलिम्पिकमध्ये अमेरिकन संघाने रौप्य पदक जिंकले होते. या स्पर्धेचे कास्य पदक कॅनाडाने जिंकले. कॅनडाने कास्य पदकासाठी झालेल्या सामन्यात फ्रांसला १-० ने पराभुत केले होते.
