नवी दिल्ली, दि.२४ – `लिनोव्हो’ या कंपनीने जगातील सर्वांत कमी जाडी असलेला ’ऑल-इन-वन’ संगणक (पीसी) सादर करणार असल्याची घोषणा मंगळवारी केली. या संगणकाचे नाव आयडियासेंटर ए७२० असून, तो अगदी सडपातळ म्हणजे २४.५ एमएम एवढ्या जाडीचा असणार आहे. त्याची घडी घालता येणार असल्यामुळे, आपल्याला हव्या असलेल्या ठिकाणी अगदी सहजपणे ठेवता येणार आहे.
या संगणकासाठी इंटेल कंपनीचा अत्याधुनिक कोअर आय७ प्रोसेसर वापरण्यात आला असून, तो टचस्क्रीन असणार आहे. या संगणकाची किंमत ८९ हजार ९९० रुपये एवढी आहे.
आयडियासेंटर ए७२० ची वैशिष्ट्ये –
– जेन्यूईन विंडोज ७ होम प्रिमियम. विंडोज ८ ऑपरेटिंग सिस्टिमसाठी सज्ज.
– २७ इंची फुल हाय डेफिनिशन (१९२० x १०८०) आणि १६:९ आस्पेक्ट रेशिओसह फ्रेमलेस १० पॉईंट मल्टी टच डिस्प्ले.
– ८ जीबी रॅम, १ टीबीची हार्ड डिस्क, वाय-फायची सुविधा.
– ७२० पिक्सेलचा वेबकॅमेरा.
– डॉल्बी होम थिएटर ऑडिओ.
– टीव्ही ट्यूनर.
– लिनोव्हो आईज डिस्टन्स सिस्टिम.
– इतर संगणकापेक्षा ४० टक्के अधिक वेगाने सुरू होण्याची क्षमता
– यूएसबी २.०, युएसबी ३.० कनेक्शन आणि ६ इन १ कार्ड रीडर
– जीटी ६३० एम २ जीबी ग्राफिक्स कार्ड
