रिलायन्स कम्युनिकेशनने अँड्रॉईड ऑपरेटिंग सिस्टीम असलेला नवा थ्रीजी टॅब्लेट बाजारात आणला असून, त्याची किंमत १४,४९९ रू. इतकी ठेवण्यात आली आहे. विशेष म्हणजे रिलायन्सने जीएसएम व सीडीएमए व्हर्जनचे अँड्रॉईड टॅब्लेट यापूर्वीच बाजारात आणला आहे. त्यानंतर हा दुसरा टॅब्लेट बाजारात सादर करण्यात आला आहे. या टॅब्लेटला सात इंची टच स्क्रीन, अँड्रॉईड २.३ ओएस, हायस्पीड प्रोसेसर, ५१२ एमबी रॅम, तीन मेगापिक्सल कॅमेरा शिवाय व्हिडीओसाठी व्हीजीए फॉण्ट कॅमेरा अशा सुविधा देण्यात आल्या आहेत. या टॅब्लेटचे वजन आहे ४०२ ग्राम.