कोलकता दि.१३ – येत्या ७ ऑगस्ट रोजी होणार्‍या उपराष्ट्रपतिपदाच्या निवडणुकीसाठी ‘यूपीए’चा कल विद्यमान उपराष्ट्रपती हमीद अन्सारी यांनाच पुन्हा उमेदवारी देण्याचा असला तरी, या आघाडीतील प्रमुख घटक पक्ष असलेल्या तृणमूल काँग्रेसने आपली पहिली पसंती पश्चिम बंगालचे माजी राज्यपाल गोपाळ कृष्ण गांधी यांच्या नावाला असल्याचे शुक्रवारी संकेत दिले आहेत.
पक्षातर्फे लोकसभेचे माजी सदस्य आणि नेताजी सुभाषचंद्र बोस यांची भाची कृष्णा बोस या नावाचाही या पदासाठी विचार केला जात असल्याचे संकेत पक्षाच्या उच्चस्तरीय सूत्रांनी दिले आहेत.