गेल्या काही दिवसांपासून बॉलीवुडमधील नायक मंडळींना दिग्दर्शनाची ओढ लागलेली दिसत आहे. एकमेकांच्या पावलावर पावले ठेवीत आता रणबीर कपूरने दिग्दर्शन क्षेत्राकडे वळण्याचा निर्णय घेतला आहे. सध्या त्याच्याकडे असलेल्या बहुचर्चित `बर्फी’ चित्रपटाचे चित्रीकरणाचे काम संपल्यानंतर तो दिग्दर्शनच्या कामास सुरुवात करणार असल्याचे समजते.
`बर्फी’ या चित्रपटाच्या प्रमोशनसाठी एक ऑनलाइन व्हिडिओ तयार करण्यात आली आहे. ज्याचे शुटींग महबूब स्टुडीओ मध्ये नुकतेच करण्यात आले. सध्या अनुराग बसू प्रोडक्शनच्या कामात व्यस्त असल्याने रणबीरने हा स्पेशल व्हिडिओ आपल्या पद्धतीने तयार केला आहे.
अभिनय क्षेत्रात स्वतच्या गुणवत्तेवर त्याने चित्रपट सृष्टीत वेगळी ओळख निर्माण केली आहे. अल्पावधीतच त्याला यश मिळत गेल्याने तो आता स्टार झाला आहे. येत्या काही दिवसांत आर. के. बनरच्या माध्यमातून त्याने चित्रपट निर्मिती करण्याचे ठरविले आहे. बऱ्याच दिवसापासुनचे त्याचे चित्रपट निर्मितीचे स्वप्न आहे. सध्या रणबीर कपूर करीत असलेले काम पाहता ते लवकरच पूर्ण होईल असे वाटते.
