नवी दिल्ली, दि. २८ – कृत्रिम मेंदू, कृत्रिम रक्त या गोष्टी नव्या नसल्या तरी गुगलने तयार केलेला कृत्रिम मेंदू आपल्याला थक्क करणारा आहे. हा मेंदू १६ हजार संगणकाचा प्रोसेसर वापरून तयार करण्यात आला असून याला अब्जावधी कनेक्शन जोडलेले आहेत. गुगलच्या या संशोधनाच्या युट्यूबवरील व्हिडीओला तब्बल एक कोटी व्ह्युवर्स मिळाले आहेत.
गुगलने तयार केलेला हा मेंदू नेमके काय करतो, तर तो क्लाऊड टेक्नॉलॉजीवर आधारित असून तो विविध समुहांना एकत्रित काम करू शकणार आहे. आपण या मेंदूमध्ये आपले विविध ग्रुप्स सेव्ह करून ठेऊ शकणार आहोत. आपल्याला गरज असेल तेव्हा आपण त्या ग्रुप्सशी जोडून आपले काम करू शकतो. ग्रुप्स, सर्कल्स ही संकल्पना जुनी असली तरी गुगलच्या या मेंदूच्या माध्यामतून आपल्याला प्रायव्हसी मिळणार आहे. फेसबुक, गुगल प्लस यासारख्या सोशल नेटवर्किंग साइटवर आपण कोणत्या ग्रुपशी संबंधित आहोत किंवा आपण कोणत्या सर्कलमध्ये आहोत, हे सर्वांना समजते. मात्र या `गुगल ब्रेन’ च्या माध्यमातून तयार केलेले ग्रुप्स हे आपल्या ग्रुपमधील व्यक्तींशिवाय कोणलाही दिसत नाही. यामुळेच याला गुगल ब्रेन असे म्हटले गेले आहे.
संगणकाच्या माऊसने क्रांती घडवली. आता इंटरनेट क्षेत्रात कॅट क्रांती घडविणार आहे. गुगलने तयार केलेला हा ब्रेन आपल्याला मांजरीसारखा दिसणार आहे. मांजरीच्या मेंदूचा अभ्यास करून हा गुगल ब्रेन तयार करण्यात आला आहे. यामुळे गुगल ब्रेन हा मांजरीच्या सोयींनुसार काम करणार आहे. यामध्ये आता फेस डिटेक्टरची सुविधा आणण्याचा आमचा मानस असल्याचे या संशोधनाचे जनक जेफ डीन यांनी सांगितले आहे. या रिकनायझेशन सुविधेमध्ये सुमारे २० हजार ऑब्जेक्टसची ओळख पटवता येईल, अशी सुविधा करण्यात येणार आहे. या सिस्टिमचे काम ७० टक्के पूर्ण झाले असून लवकरच गुगलच्या ऍड ऑन सेवेमध्ये आणखी एक भर पडणार आहे. गुगलचा हा ब्रेन ब्लूस्काय आयडिया या, गुगल एक्स या दोन कंपन्यांनी मिळून तयार केला आहे. याचा सर्वाधिक फायदा इंजिनीअर्सला होणार असल्याचे गुगलचे म्हणणे आहे.
