जोरदार पावसामुळे अमरनाथ यात्रा खोळंबली

पेहलगामच्या निरीक्षण कक्षातून २ हजार यात्रेकरूंना अमरनाथला पाठवण्यात आले असून जाताना त्यांना पेहलगामच्या पारंपरिक मार्गानेच पाठविण्यात आले आहे. अमरनाथला पोहोचण्यासाठी त्यांना चार दिवसांचा कालावधी लागणार आहे. अमरनाथ शिवलिंगाचे दर्शन झाल्यावर त्यांना बालतालच्या मार्गाने परत आणण्यात येणार आहे.

या वर्षी यात्रेकरूंच्या सुरक्षिततेची व्यवस्था चोख ठेवण्यात आली आहे. पेहलगामपासून जाणारा पारंपरिक रस्ता व बालतालचा रस्ता या दोन्ही रस्त्यांवरील बर्फ हटविण्याचे काम पूर्ण झाले आहे. परंतु, जोरदार पावसाने व खराब हवामानामुळे यात्रेत अडथळा येत आहे. अशी स्थिती असताना देखील हेलिकॉप्टरच्या मदतीने ६० यात्रेकरू अमरनाथला पोहोचले आहेत, त्यांच्यासमवेत काश्मीरचे राज्यपाल व देवस्थान मंडळाचे अध्यक्ष एन. एन. व्होरा हेही अमरनाथ मंदिरात दाखल झाले आहेत. त्यांच्या हस्ते अमरनाथ येथील शिवलिंगाचे सकाळी पूजन करण्यात आले.