.jpg)
सहा महिन्यांपूर्वी बच्चन कुटुंबियांत एका छोटुकल्या सदस्याने प्रवेश केला आणि पूर्ण घरच आनंदात न्हाऊन निघालं. ऐश्वर्या राय-बच्चन आता आईच्या भूमिकेत खुश आहे. त्यामुळे अभिषेककडे तिचं थोडं दुर्लक्ष होतंय. असं असूनही अभिषेक मात्र आनंदात आहे; पण ऐश्वर्याचे लक्ष वेधण्यासाठी आता मलाही वाट पाहावी लागते, असे तो म्हणतो.
मुलगी आता सहा महिन्यांची झाली आहे, ऐश्वर्याबरोबर तोही आता पित्याच्या भूमिकेत शिरलाय. बाळाला सांभाळण्यात तोही आता मदत करतोय. तो म्हणतो, आराध्याला आता मी कितीही वेळ घेऊन फिरू शकतो, खेळू शकतो, एवढेच काय तर तिचे डायपरही आता मी बदलू शकतो. आराध्या जेव्हा लहान होती, तेव्हा मात्र तिला उचलून घेण्याची परवानगी मला नव्हती. अँशने मला तसे बजावले होते. बाळाला शांत झोप लागावी, यासाठी अभिषेकला काही दिवस बेडरूममध्ये येण्याची परवानगीही मिळाली नव्हती. रात्री भूक लागल्यावर किंवा अंथरूण ओले केल्यावर आराध्या मध्येच उठायची. मला हे मान्य करावंच लागेल की, माझ्यापेक्षा अँश या बदललेल्या रुटीनमध्येही लवकर अँडजस्ट झाली. बाळ रडायला लागल्यावर ऐश्वर्याबरोबर मीही लगेच उठायचो; पण नंतर मात्र मला कित्येक वेळ झोप यायची नाही. शेवटी ऐश्वर्यानेच मला दुसर्या रूममध्ये झोपायचा सल्ला दिला.
