जळगाव दि. २१ मे – सुमारे २९ कोटी रूपयांच्या जळगाव घरकुल घोटाळा प्रकरणी सोमवारी अखेर राज्याचे परिवहन, कृषी आणि दुग्धविकास राज्यमंत्री गुलाबराव देवकर यांना अटक करण्यात आली. देवकर यांना १४ दिवसांची न्यायालयीन कोठडी सुनावण्यात आल्यानंतर त्यांना न्यायालयाने ५० हजार रुपयांच्या जामीनावर सुटका केली. दरम्यान, घरकुल योजनेला जेंव्हा मंजुरी मिळाली तेंव्हा देवकर हे जळगावचे नगराध्यक्ष असल्याने त्यांचा या प्रकरणाशी थेट संबंध असल्याचे सांगण्यात येते. या घरकुल योजनेसाठी १९९७ मध्ये ११ हजार घरांसाठी सुमारे ८० कोटीं रुपयांच्या निविदा काढण्यात आल्या होत्या.