बंगलोर दि.२१- इन्फोसिस या जागतिक कीर्तीच्या सॉफ्टवेअर कंपनीचे मानद अध्यक्ष नारायण मूर्ती यांनी सरकारने सॉफ्टवेअर निर्यातीबाबतची त्यांची व्याख्या त्वरीत जाहीर करावी असे मत व्यक्त केले आहे. गेली कांही वर्षे सरकारकडे ही मागणी सॉफटवेअर निर्यात व सेवा निर्यात उद्योगांकडून केली जात आहे मात्र अनेक कारणांनी ही मागणी अद्यापी पूर्ण केली गेलेली नाही. या व्याख्येतच स्पष्टता नसल्याने सॉफटवेअर निर्यात व सेवा उद्योगांना अनेक अडचणींचा सामना करावा लागत आहे असे मूर्ती यांनी बंगलोर येथे घेतलेल्या पत्रकार परिषदेत सांगितले.एका पुस्तक प्रकाशन समारंभानंतर ही पत्रकार परिषद घेण्यात आली होती.