सर्वोच्च न्यायलयाता अवमान केल्याप्रकरणी गिलानींवरील आरोप निश्चित; २७ फेब्रुवारीपर्यंत मुदत

इस्लामाबाद, दि.१३फेब्रुवारी- सर्वोच्च न्यायालयाचा अवमान केल्याबद्दल पाकिस्तानचे पंतप्रधान युसूफ रझा गिलानी यांच्यावरील आरोप न्यायालयाने निश्चित केले आहेत. सोमवारी झालेल्या सुनावणीत सर्वोच्च न्यायालयातील सात न्यायाधिशांच्या खंडपीठाने हा निर्णय दिला. मात्र, आपली बाजू मांडण्यासाठी न्यायालयाने त्यांना २७ फेब्रुवारीपर्यंतची मुदवाढ दिली आहे. या सुनावणी दरम्यान गिलानी यांनी आपण निर्दोष असल्याचे म्हटले आहे. तसेच याप्रकरणी आपण दोषी आढळल्यास पंतप्रधान पदाचा राजीनामा देऊ असे त्यांनी सांगितले आहे. गिलानींवर ठेवलेले आरोप पूर्णपणे सिध्द झाल्यास त्यांना सहा महिन्याच्या कारावासाची शिक्षा होऊ शकते, असे डॉन या वृत्तपत्राने सांगितले.

सर्वोच्च न्यायालयाचा अवमान केल्याच्या आरोपाला सामोरे जाणारे गिलानी हे पाकिस्तानचे पहिले पंतप्रधान आहेत. राष्ट*ाध्यक्षांविरोधात खटले सुरु करण्यास नकार दिल्याबद्दल या खटल्यावर सर्वांचे लक्ष लागले होते. मात्र, न्यायालयाने दिलेल्या मुदत वाढीने त्यांना तुर्त दिलासा मिळाला आहे.  गिलानी आता पंतप्रधान पदावर राहू शकत नाही. अशा प्रकारच्या आरोपांनतर पंतप्रधानपद सोडण्याची घोषणा फत्त* औपचारिकता राहिली आहे, असे नवा-ऐ-वत्त*चे संपादक सज्जाद मीर म्हणाले.

स्वित्झरलँडमधील प्रशासनाला पत्र लिहून खटले सुरु करण्याचा सल्ला न्यायालयाचे मुख्य न्यायाधीश इफ्तिखार चौधरी यांनी दिला होता. शुक्रवारी झालेल्या सुनावणीत गिलानींनी दाखल केलेली अवमानाविरोधातील याचिका न्यायालयाने फेटाळून लावली होती. या पार्श्वभूमीवर १३ फेब्रुवारी रोजी न्यायालयात हजर राहण्याचे समन्स न्यायालयाने जारी केले होते. गिलानी न्यायालयात हजर राहण्याबद्दल संशय होता. मात्र ते न्यायालयात हजर राहिले. दरम्यान, १९ जानेवारी रोजी झालेल्या सुनावणीत राष्ट*ाध्यक्ष असिफ अली झरदारी यांच्याविरोधात खटले सुरु केले जाणार नाहीत, असे गिलांनी नमुद केले होते. मात्र न्यायालयाने गिलानींना स्पष्ट शब्दांत सुनावले होते. स्वीस यंत्रणेला खटला सुरु करण्याखेरीज काहीही पर्याय नाही. कोणतीही व्यत्त*ी कायद्यापेक्षा मोठी नसल्याचे न्यायालयाने स्पष्ट केले होते. एनआरओ प्रकरणी न्यायालयाने सरकारला वारांवार बजावले होते. मात्र पाकिस्तानी सरकारने त्याला गांर्भीयाने घेतले नाही. याप्रकरणात पाकिस्तानचे माजी राष्ट*ाध्यक्ष जनरल परवेज मुशर्रफ यांनी झरदारीसह आठ हजार जणांना सामुहीक क्षमा प्रदान केली होती.