पुणे, दि.१७ नोव्हेंबर-पवन गांधी जमीन घोटाळा प्रकरणामुळे आधीच अडचणीत असलेले सिहगड इन्स्टिटयूटचे संचालक मारुती नवले यांना महापालिकेचाही दणका बसला. नवले यांच्या सिहगड इन्स्टिटयूटने गेल्या तीन वर्षांपासून तब्बल ३ कोटी रूपयांचा मिळकत कर थकविल्यामुळे संस्थेच्या वडगाव कॅम्पसमध्ये कारवाई करीत इथल्या काही इमारतींना पालिकेने टाळे ठोकले. स्विमिग पूल, ग्रंथालय आणि प्रयोगशाळा महापालिकेच्या अधिकार्‍यांनी सील केली असून, वारंवार नोटीस देऊनही थकबाकी भरली नसल्यामुळेच संस्थेवर कारवाई करण्यात आल्याची माहिती पुणे महापालिकेचे मिळकत कर विभागाचे अधिकारी विकास कानडे यांनी दिली.

मारुती नवले यांच्या सिहगड इन्स्टिटयूटकडे महापालिकेची ३ कोटी रुपयांची थकबाकी आहे. गेल्या तीन वर्षापासून संस्थेने मिळकत कराचे पैसे भरले नसून वारंवार पाठपुरावा करुनही संस्थेकडून कोणताही प्रतिसाद मिळाला नसल्यामुळेच पालिकेने कारवाईचा निर्णय घेतला. त्यानुसार गुरूवारी विकास कानडे यांच्या सोबतीने महसुली पथकाचे अधिकारी मिलिद कपासे यांनी कारवाई केली. सिहगड संस्थेच्या वडगाव येथील ग्रंथालय, प्रयोगशाळा आणि तरण तलावाला टाळे ठोकण्यात आले आहे.

पवन गांधी ट*स्टची जमीन आणि शाळा हडपण्याच्या आरोपात अडकलेले मारुती नवले यामुळे पुन्हा अडचणीत सापडले आहेत. पवन गांधी प्रकरणी नवले यांनी ट*स्टला जमीन माघारी देण्याची तयारी दर्शवली असून याबाबत न्यायालयीन प्रक्रिया सुरु आहे. नुकतेच सोलापूरमध्येही नवले यांच्या संस्थेने जमीन हडप केल्याचे प्रकरण समोर आले आहे. सोलापूरमध्ये त्यांच्याविरोधात गुन्हाही नोंद करण्यात आला आहे. या सर्व पार्श्वभूमीवर गुरूवारी पुणे महापलिकेने केलेल्या कारवाईमुळे मारुती नवले अधिकच अडचणीत आले आहेत.